வாட்ஸாப் குழுமத்தில் ஒரு வாரமாக பன்னீர் ஆதரவு மீம்ஸ்களை அனுப்பிக்கொண்டிருந்த நண்பன், திடீரென்று இன்று சசி ஆதரவு மீம் ஒன்றை அனுப்பி வைத்தான். திடுக்கிட்டு அவனிடம் கேட்டேன், என்ன மச்சான் உன் நிலைப்பாட்டில் ஏதேனும் திடீர் மாற்றமா என்று? அவன் இல்லை எனக்கூறி, இரு பக்க நியாயத்தையும் இவ்வுலகிற்கு எடுத்துக்கூறுவது தன் கடமையென்றான். அவன் கடமையுணர்ச்சியில் தீயவைக்க என மனதில் எண்ணிக்கொண்டு, சரி நீ யார் பக்கம் என்றேன், இன்னமும் முடிவெடுக்கவில்லை என்றும், தன் முன்னால் இருக்கும் ஆவணங்களை வைத்து தனக்குள் தர்க்கம் செய்துக் கொண்டிருப்பதாகவும் சீக்கிரம் முடிவெடுத்துவிடுவேனென்றும் கூறினான். ஆளுநர் முடிவெடுக்கும் முன், அவனை முடிவெடுக்கும்படி அறிவுரை கூறிவிட்டு, முக்கியமான கேள்வி ஒன்றைக் கேட்டேன், அவன் முன்னால் இருக்கும் ஆவணங்களெல்லாம் மீம்ஸ்களா என்று, உணர்ச்சியற்றக் குரலில் "ஆம்" என்றான்.
No comments:
Post a Comment